Savol-javob

UzCoder qanday ishlaydi, nimalarni yarata oladi, tariflar va to'lov, kod kimga tegishli va ma'lumotlaringiz qanday himoyalanadi — eng ko'p beriladigan savollarga javoblar.

UzCoder nima?
UzCoder — o'zbek tilida ishlaydigan avtonom AI muhandis. G'oyangizni yozasiz yoki aytasiz: u veb-sayt, web ilova yoki Android ilovani rejalashtiradi, kodini yozadi, brauzerda o'zi sinaydi va internetga chiqaradi. Taqdimot (slayd) va referatlarni ham tayyorlaydi.
Dasturlashni bilishim kerakmi?
Yo'q. Nima kerakligini oddiy so'zlar bilan yozasiz. Agent tushunmagan joyini variantli savollar bilan so'raydi. Kod sizniki — xohlasangiz ZIP yoki GitHub orqali olib ketasiz.
«Salom» desam ham sayt yaratadimi?
Yo'q. Agent avval xabaringizni tushunadi: salomlashsangiz — suhbatlashadi, savol bersangiz — javob beradi, so'rov noaniq bo'lsa — 2–3 ta savolni variantlari bilan beradi. Faqat aniq vazifada qurishni boshlaydi.
Slayd agenti nima qiladi?
Mavzuni yozasiz — agent internetdan ma'lumot to'playdi, taqdimot rejasini tuzadi, har bir slaydni yozadi (grafik, jadval, vaqt chizig'i, raqamlar, ikonlar), rasmlar yaratadi va 18 ta mavzudan biriga joylaydi. Matnni bosib tahrirlaysiz, chatda o'zgartirasiz, PDF yoki PowerPoint (PPTX) qilib yuklab olasiz.
Referat qanday standartda yoziladi?
O'zbekiston OTMlarida qabul qilingan shaklda: titul varaq, mundarija, kirish (dolzarblik, maqsad, vazifalar), boblar va paragraflar (1.1, 1.2…), xulosa, foydalanilgan adabiyotlar. Times New Roman 14, 1,5 interval, hoshiyalar 30/15/20/20 mm. Manbalar internetdan topilgan haqiqiy sahifalar — to'qib chiqarilgan kitoblar yo'q.
«Mehmonlar» nima?
Ilovangizni haqiqiy mijozlardan oldin 1–5 ta sun'iy odam (masalan, telefonda shoshib xarid qiladigan ona, sabrsiz talaba, ko'rishi zaif kishi) haqiqiy brauzerda sinab ko'radi. Ularning fikrlarini jonli ko'rasiz, so'ng har biri baho beradi va qayerda qiynalganini aytadi. Bir bosishda agent topilgan muammolarni tuzatadi.
Qaysi AI modellari ishlatiladi?
UzCoder Mini, Power, Max va Ultra darajalari bor. Administrator har bir darajaga istalgan provayderni (Claude, GPT, Gemini, DeepSeek, Qwen va boshqalar) ulaydi. Agentning ish tizimi (reja, tekshiruvlar, xotira, xatoni tuzatish) model kuchsiz bo'lsa ham sifatni ushlab turadi.
To'lov qanday qilinadi?
Uzcard yoki Humo kartadan karta-kartaga o'tkazma orqali: checkout sahifasida ko'rsatilgan aniq summani o'tkazasiz, tizim to'lovni bir necha soniyada o'zi tasdiqlaydi va tarif darhol yoqiladi.
Ma'lumotlarim xavfsizmi?
Parollar bcrypt bilan, API kalitlar shifrlangan holda saqlanadi. Loyihalar alohida izolyatsiya qilingan muhitda build qilinadi, preview esa alohida xavfsiz domen orqali ko'rsatiladi. Batafsil — Maxfiylik siyosatida.
Obunani bekor qilsam nima bo'ladi?
Joriy davr oxirigacha tarif ishlaydi, keyin Free tarifga o'tasiz. Loyihalaringiz o'chmaydi — ularni ZIP sifatida yuklab olishingiz mumkin.